Vendimi i datës 16 shkurt i Gjykatës Administrative për bllokim të punimeve në sheshin “Veliera” në pjesën ku kanë dalë zbulime arkeologjike, është vënë në zbatim sot nga shërbimi përmbarimor në Durrës.
Inspektorët e Përmbarimit kanë vendosur shiritin e bardhë të bllokimit të punimeve ndërkohë që kjo solli edhe reagimin e kryetarit të bashkisë në sheshin “Veliera”.
Kryebashkiaku Vangjush Dako tha në një prononcim për GSH.al se ky është një vendim absurd i gjykatës dhe i shërbimit përmbarimor, pasi bllokimi i punimeve është bërë që në datën 4 shkurt nga bashkia Institui i Arkeologjisë.
“Kjo vepër po manipulohet nga ana e protestuesve për të bllokuar punimet që duhet të mbarojnë para 18 qershor”, tha Dako për GSH.al.
Për të marrë lajmet e fundit të “Gazeta Shqiptare”, ndiq faqen tonë në Facebook.
